• «Mit 10 Baan-Zäntre trääged mir dezue bii, dass Iri Päckli umwält­schoonend trans­por­tiärt wèrded.»

    Naachhaltigkäit staat bi öis nöd nume druff, sondern isch au drin. Und faart vo Aafang aa mit.
  • «Ich beweg mich imene gsunde Arbetskliima und wirde guet zallt.»

    «Planzer Pakeet» als Familiäundernäme achtet uf gueti Arbetsbedingige. Und zwar grad meerfach.

Mir kombiniäred für Sii Logistikerfaarig, ÄiTii (IT) und Netzwerk


Planzer isch Ine waarschiinlich bekannt. S Schwiizer Familiäundernäme laageret, komissioniärt und konfekzioniärt Güeter hauptsächlich i de Schwiiz und transportiärt si dur d Schwiiz – 60% devoo mit em umwältfründliche Zuug. Di blau-roote Laschtwäge sind für Stuckgüeter vo Undernäme zu Undernäme (Bii 2 Bii (B2B)) underwäx. Si wäred zgross zum chliini Päckli effiziänt transportiäre.

Drum hämir d Margge «Planzer Pakeet» is Läbe grüeft. So chömir Ine alli logistische Diènschtläischtige us einerä Hand aabüüte. «Planzer Pakeet» hät ire Uuftritt im Originaal-Luuk us Grosvatters Ziite. Öisi Liferwäge rolled für Privaat- und Gschäftsempfänger uus. /p>

Naachhaltigs Transportiäre mit em Zuug

Mit öisem Päcklisèrviss transportiered mir Päckli bis 30 Kilo. Öisi Faarerine und Faarer sind jede Taag mit vill Erfaarig und no mee Hèrzbluet uf Achse. Für das nuzzed si hochmoderni Faarzüüg und innowatiivi Technologiä. Dank öisne 10 Baan-Zäntre bringed mir Iri Sändige mit em emissioonsarme Zuug über d Nacht id Ziilregioone. Dänn übernämed öisi Päcklifaarerine und -faarer di sogenannti letschti Mäile bis zu de Empfänger. So wird de Päckliempfang zu däm, was er sötti sii: e tolls Erläbniss.

Sorgfeltigi und emissioonsarmi Päcklizueschtelig

Iri Päckliliferig isch mit äinige Extras beschtükkt, wo sich chönd gsee laa. Zum Bischpiil plaaned mir öisi Tuure mit Hilf vomene Algorittmuss dünamisch. So chömir Zueschtellpreferänze wiä Liferdaatum oder e nöii Liferadrässe bis churz vor de Uusliferig berükksichtige.

De Benny, öise Päkliboote z Zermatt

Zermatt isch en äigni Wält – alpiin, turistisch, autofrei. Deet übernimmt öise Netzwerkpartner Alpin Cargo sid Jaare s Vertäile vo Päckli. Di meischte sind a Empfänger a de Baanhoofstraass adressiärt. Diä isch vom Zwölfi bis am Sibni für de motorisiärti Vercheer gschpèrrt, au für Ee-Taxi. Drum hämir e passendi Löösig gsuecht – und de Benny gfunde.

De Benny isch en polnische Hängscht und als Gutscheross uusbildet. Mit de Päckligutsche vo Alpin Cargo vertäilt er Päckli z Zermatt. Hützutax isch er us em Ortsbild nüme wègzdänke und hät e groossi Fäänkommiuniti. Am Wuchenänd ziät er dänn amix en eleganti Viktooria Gutsche mit Persoone durs Dorf.

Spannendi Video-Schtoris über sini Abentüür als Päckliboote, Persoonetaxi und Muultiärvereerer finded Si uf derbenny.ch. I öisere Gschicht «Di stärchschti PS vo Zermatt – Päckli uuslifere höch z Ross» erfaared Si no mee übers Gutscheross Benny.

Sändig nomal zueschtele
Sändig verfolge
Es Päckli verschikke

Zum e zwäiti Zueschtelig uuslööse, gänd Si bitte Ire Zueschtellschlüssel ii.

Zueschtellschlüssel iigèè

Bruuched Si Hilf?

Erwarted Si es Päckli? Wänn Si öis Iri Sändigsnummere und d Poschtläitzaal aagänd, verraated mir Ine, wos isch.

Sändigsnummere iigèè

Bruuched Si Hilf?

Poschtläitzaal iigèè

Hilf +41 (0) 44 / 438 50 40 Ii-Meil schriibe Zum Kontaktformulaar Zum Chundeportaal Tschöpps