Mit öis chönd Si Päckli bis zu 30 Kilo i underschidliche Gröössene verschikke. Mir schteleds Irere Empfängerin oder Irem Empfänger i de Schwiiz bis am Aabig vom Folgetaag zue. Ussert, Si entschäided sich für en anderi Zueschtellopzion.
Mit interessante Zuesatzopzione gschtalted Si d Zueschtelig soo, dass si exakt zu Irne Empfängerine und Empfänger passt.
Ooni Ziitaagaab erreicht Iri Sändig d Empfängerin oder de Empfänger jewiils bis spòòtischtens am Aabig vom folgende Werchtaag. Wänd Si sälber beschtime, bis wänn Iri Sändig aachunnt? Das isch möglich.
Mir lifered Iri Sändig je nach Wunsch am nächschte Taag folgendermaasse uus:
Sobald d Sändig i öisne Händ isch, chömed Sii und Iri Empfängerin oder Ire Empfänger e erschti Uuftraagsbeschtèètigung per Ii-Meil und/oder SMS über. Bis zu de erfolgriiche Zueschtelig gits wiiteri Benachrichtigunge.
Diä Benachrichtigunge chönd Si individuell iischtele und mit eme Koo-Bränding versee.
Sobald mir Iri Sändig übernoo händ, chönd Si d Päckli jederziit im Chundeportaal über «Träck & Treiss» verfolge. So wüssed Si rund um d Uur, wo Iri Päckli grad sind.
Bi de Zueschtelig händ Si d Waal zwüsched zwäi Übergaabeaarte:
1. Zueschtell-Deponiärig ooni Empfangsbeschtèètigung
Diä Art empfeled mer, wänn Iri Empfänger schwèèr erreichbaar sind, aber si d Sändige trotzdem gèrn zumene beschtimmte Ziitpunkt möchted überchoo. I dem Fall deponiäred mir Iri Sändig ooni persöönlichi Beschtèètigung oder mir übergänd si enere voordefinierte Persoon.
2. Persöönlichi Übergaab mit Identitèètsprüefig
Vilicht möchted Si, dass sich Iri Empfänger entschprächend uuswiised. I Irem Name überprüefed mir bi de Uusliferig d Identitèèt, bevor mir d Sändig uushändiged.
Öisi ökologische Umwältboxe büüted en bessere Schuzz als hèrkömmlichi Kartonschachtle. D Umwältboxe wèrded versandsicher mit Stekkplombe und eme Identifikazionscood versee. Zue-sätzlich sggèned mir Iri Umwältbox a allne Tatschpoinz ii, sodass si jederziit in Quaasi-Ächtziit cha naaverfolgt wèrde.
Päcklirötuure chönd kompliziert, uufwändig und nèrvig sii. Das gaat au anderscht. Bi de Uusliferig vo Päckli nämed mir Rötuursändige gern mit. Das isch praktisch für Sii und Iri Chundine und Chunde.
Mit ere Mehrpaket-Sändig (MPS) ertäiled Si en Sändeuuftraag für meerèri Päckli a di gliich Person. I Irem Uuftrag holed mir d Päckli a underschidliche Standort ab und lifered si a äi äinzigi Empfän-geradrässe uus.
Zäme mit öisne internazionaale Partner lifered mir Iri Päckli i über 195 Länder uus. Es spillt also gar kä Role, öb Iri Empfängerin oder Ire Empfänger i de Schwiiz sizzt oder nööd.
Abmessige und Gwicht
Päckli
Max. Gwicht
30.00 kg
Max. Gurtmass
250.00 cm
Max. Länge
150.00 cm
Sperrguet-Päckli
Max. Gwicht
31.50 kg
Max. Gurtmass
400.00 cm
Max. Länge
250.00 cm
Berechnig Gurtmass
Gurtmass = Päckliumfang + Päcklilänge
Bis zu 15 Minuute vor de Zueschtelig chönd Iri Empfängerine und Empfänger d Zueschteligsbedingige ändere. Zum Bischpiil s Liferdaatum oder d Liferadrässe. Es isch also machbar, dass d Sändig is Büro, zu de Naachbere oder anes Feriädomiziil gliferet wird.
Fals bi de erschte Zueschtelig nièmer erräichbaar isch, hinderlönd mir per Ii-Meil und/oder SMS e Benaachrichtigung und hinderleged e Zueschtellchaarte im Briefchaschte. Dademit chönd d Empfängerine und Empfänger d Preferänze für e nöii Zueschtelig aagèè.
Für de erschti Iidrukk gits bekanntlich kä zwäiti Schaañsse. Drum sind für «Planzer Pakeet» Faarer-ine und Faarer underwäx wo bi Irne Empfängerine und Empfänger en bliibende Iidrukk hinderlönd. Für das absolviäred si e föiftägigi Uusbildig mit Prüefig und Zertifikaat.
Will öisi Faarerine und Faarer kä anderi Tèètigkäite wi zum Bischpiil s Belade vo Faarzüüg uus-füered, chönd si sich 200%-ig uf d Zueschtelig vo Irne Päckli konzentriäre. Und d Aarbetschläidig wird vo öisem huusäigne Wöschsèrviss regelmèèssig gräiniget.
Iri Aaligge als Chundin, Chund, Empfängerin oder Empfänger sind für öis zentraal. . Drum underhalted mir e Zentraale für Chundeaaligge. Hier beantworten wir Ihre Fragen und nehmen allfällige Abklärungen vor.
S Bsundere: Mir händ kä 0900er-Hotläin mit Tonband, sondern Si händ diräkt äini vo öisne fründliche und kompetänte Mitarbäitende am Telefoon.
Zentraale für Chundeaaligge
Si erräiched öis telefoonisch oder per Meil under service@planzer-paket.ch vo Mèntig bis Friitig vom Achti bis am Sächsi.
Düütsch | 044 438 50 40 |
Französisch | 021 821 02 02 |
Italiènisch | 091 611 54 84 |
Änglisch | 044 438 50 40 |
700 000 Undernäme, 3,8 Milioone Privaathushält, 26 Kantöön – d Schwiiz büütet äinigi Useforde-rige für e pünktlichi Päcklizueschtelig. Drum underhalted mir e schwiizwiits Netzwèrch mit 10 Baan-Zäntre und transportiäred Iri Sändig über d Nacht mit em umwältfründliche Güeterzuug id Ziilregioon – stau- und witterigsunabhängig. Di sogenannti letschti Mäile bis zu de Huustüür vo I-rere Empfängerin oder Irem Empfänger legged mir mit öisne Päcklifaarzüüg im Originaaluuftritt vo «Planzer Pakeet» zrugg.
Grafik nach links wischen (←), um den weiteren Prozess anzuzeigen.
Erfaared Si mee über öise Liferprozäss und di «letschti Mäile» im Video uf öisem IuuTuub-Kanaal.
Automatisiärte Imformazioonsfluss
Bi öis laufed Päckli und Daate parallel. Für das sezzed mir Technologiiä vo de nöischte Generazion ii. Zum Bischpiil binded mir Ires EeErrPee(ERP)-Sischteem über en EDI-Schnittschtell a öisi Lo-gistiksoftwäär aa.
Über öises Chundeportaal verwalted und bewirtschafted Si Iri Uuftrèèg bekwääm onläin oder verfolged über «Träck & Treiss» de Wääg vo Irne Sändige.
Dünaamischi Tuureplaanig dank Algorittmuss
Zäme mit em Fraunhofer-Inschtitut hämir en Algorittmuss entwikklet, wo öisi Tuure automaatisch und dünaamisch plaant. Im Lauf vom Taag sammlet er Daate vo öisne Chunde und Empfänger, zum Bischpiil di gwünschte Abhol- oder Zueschtellfänschter oder de Zueschtellort, und konsolidi-ärt diä a Mitternacht.
Mit dène Daate wird d Tuur dünaamisch berächnet und zämegschtellt, sodass öisi Faarerine und Faarer d Päckli pünktlich uuslifered. Je mee Päckliwoluume, deschto gnauer wird de Algorittmuss.
Tipp: Läsed Si für wiiteri Imformazione zu dem Theema öisi Gschicht «Künstliche Intelligenz? Aber natürlich!»
«Plug & Planzer Paket» ist so einfach, wie es klingt: Sie installieren das Plugin in Ihrer E-Commerce-Lösung – ab jetzt können Sie mit Ihrem Online-Shop Pakete bis 30 kg über unseren Paketservice versenden. Wir holen Ihre Pakete täglich an Werktagen nach Vereinbarung ab.
Planzer Paket ist genau das, was Sie für Ihren Online-Shop brauchen: schnelle Abholung, pünktliche Auslieferung, freundlicher Endkundenkontakt, einmaliges Empfangserlebnis.
Da gits e 360°-Aasicht vom Ineruum vo äim vo öisne beladene Päcklifaarzüüg.